.:تحذير :. ابتعد عن بطاقات مزود خدمة الانترنت أية , حفاظا على صحتك و جهازك العصبي

Posted: 2010/02/01 in آخ يا راسي
الوسوم:, , , , ,

كنت بحاجة الى بطاقة انترنت من محل الى آخر أبحث عن بطاقة انترنت مفتوح (24\24) فلم أجد الا بطاقات الساعات ….

كنت أبحث عن بطاقة  تيرا شهر مفتوح فلم أجدها فقلت الرمد احسن من العمى صرت دور على اي نوع بطاقات بس تكون مفتوح مو ساعات و بعد الانتقال بين محلات الموبايلات و الكمبيوتر و المكتبات وجدت بطاقة اية شهر مفتوح ب 500 ليرة ….

قلت امرنا لله منشتريها رغم انني لم استعمل الا بطاقات تيرانت من سنتين و قبل ذلك كنت استخدم سوا و اية و بطاقات الجمعية …

الاعجاز التقني و العملي في بطاقات اية …

أكدت بطاقات آية أن المنتجات السورية قادرة على ضرب و قهر أي منتج أجنبي …. نعم قد حققت ذلك

فقد وقف متصفح الـ Firefox/3.5.7   و متصفح الـ Opera 10.10 \ و هما أخر النسخ لأفضل متصفحين في العالم .. \

عاجزين لا يملكان حول ولا قوة أمام بطاقة اية

كنت أستغرب عندما يتحدث أصدقائي عن ضعف سرعة الانترنت عندنا في سوريا و من انقطاعها و كنت اقول لا مو لهل درجة انا عندي بيجنن …

الله يرجم ايام التيرا بتحس حالك عم تستخد adsl مو عم اعمل دعاية لكن بطاقات Tera net لا تقارن ببطاقات اية …

الان و مع استخدامي لبطاقة آية عليي أن انتظر حتى تفتح الصفح لا استطيع تصفح اكتر من صفحة تذكرت أيامي الأولى لاستخدام الانترنت رجعتني شي ست سنين لورا

اخيرا ….

على

نفس خط الهاتف و نفس الكمبيوتر  و نفس المتصفحات أثبتت tera جدارتها و أثبتت أية ضعفها و عدم قدرتها على تطوير نفسها و تكتفي بمقولة ” اية أول مزود انترنت خاص في سورية ” أضيف اليها وأبطأ مزود انترنت خاص في سوريا  ….

رح جن نص الصفحات مو عم افتحت ….. ع ايد اية رح اترك ادمان الانترنت …

أنصح من يريد شراء بطاقات انترنت الا يقترب من بطاقات أية و أن يجرب بطاقات Tera net  أو  i-link  من أجل تصفح ممتع للانرتنت و بعيدا عن رفع الضغط

تعليقات
  1. youssef قال:

    انا استخدم اية على خط adsl ولا اشكو من اية مشكلة معهم , و الخدمة ممتازة عندي .

  2. Ibraheem قال:

    أنا عم احكي على الباقات Dial up
    أما Adsl ما بعرف ..

  3. sallory قال:

    ما جربت تيرا أنا لحد هلأ , ما بعرف ليش هالبطاقة قليل تواجدها بالسوق! , يا سيدي معك حق آية أسوأ مزود خدمة على الرغم من قدمها بالنسبة للمزودات التانية , أنا جابتلي شلل رعاش بأخر مرة اشتريتها فيا مضطراً لأنو ما كانت راضية تدخل و على طول تعطيني مشغول .

    بس الشي الحلو بآية إنو كانت عاملة خدمة صباح الخير أكيد سمعت فيا كلمة السر و المرور تبعها (aleppo , aleppo) , يلي من 3 بالليل لحد 10 الصبح أو بعدها بكم ساعة كانت كتير حلوة صراحة , بعتقد ما عادت موجودة .

    سيدي مالك غير ADSL إشترك إنت و كام جار إلك أريحلك بكتير , خصوصي عم يعطوا الراوتر مجاني و فيه 4 بورت بس إنت و حظك بدعم السنترال تبع خط التلفون .

  4. Ibraheem قال:

    لك أنا بدفع يلي بدون ياه بس يجيبولي aDSL

    بس المصيبة مقسمنا ما بيدعم Adsl

    و قاعد ناطر ليصير يدعموا و عيش يا كديش ….

  5. ممم يبقى كل شخص ماذا يفضل فمثلا المغرب هناك من يفضل “وانا” وانا على يقين بأن الحلزونة اسرع منها بكثير فما السر في اعجابهم بها كما هناك من يفضل “ميديتل” ويقولون انها سريعة وهل هي سريعة الله اعلم فكل ما اعرفه ان adsl اسرع عندنا رغم بعض المشاكل التي تصيبها بين الفينة والاخرى

    سلام

  6. SOSO قال:

    والله يا جماعه أنا ما جربت أيه
    بس عبينصحوني فيها وخصوصي من شان خدمه صباح الخير
    بس اذا هيك الحكي بلاها أحسن

  7. Black Eyes قال:

    ياريت الشغلة بتوقف عند السرعة … كنا تحملنا أنو نحن السوريين صار عنا مناعة من الإصابة بالجلطات والأمراض العصبية الناجمة عن بطء النت …
    انا ابتليت مع آيةاشتركت بـ adsl ولهلأ دافع حوالي ال9000 ليرة … وما حصلت على إيصالات دفع …
    اول مرة قالولي 4000 ليرة قيمة اشتراك … ما عدا أول شهر … وبعد فترة طلعت علي فاتورة على الهاتف 2500 مع اني ما استخدمتو غير للانترنت … شو هي ؟؟؟ قال هي تراكمية مدري شو اخترعولي حجة مدري من وين … وطلعت بالمنية لأنو هني دافعينلي ياها … ما عدا السرعة والانقطاع الدائم ….
    بالفعل اذا عمتحمل صفحة … مستحيل تقدر تفتح صفحة تانية لحتى تتحمل الأولى حتى ولو كانت صفحة غووغل

    يا جماااااااعة بنصحكم ماحدا يعلق مع مزود آية … أسوأ مزود وأكتر شركة فيها نصب … نصابين نصابين نصابين

  8. B قال:

    انا مندوب بطاقة i.link بس العالم ما عم تفهم علي انو البطاقة ممتازة

  9. Ibraheem قال:

    قد تكون البطاقة ممتازة لكن شركة تيرا نت بالمجمل شركة لا تحترم نفسها …
    لكن بطاقاتها تعتبر من اسرع البطاقات لكن مع الكثير من المشاكل ..

  10. Abo Al'meem قال:

    “ياريت الشغلة بتوقف عند السرعة … كنا تحملنا أنو نحن السوريين صار عنا مناعة من الإصابة بالجلطات والأمراض العصبية الناجمة عن بطء النت …
    انا ابتليت مع آيةاشتركت بـ adsl ولهلأ دافع حوالي ال9000 ليرة … وما حصلت على إيصالات دفع …
    اول مرة قالولي 4000 ليرة قيمة اشتراك … ما عدا أول شهر … وبعد فترة طلعت علي فاتورة على الهاتف 2500 مع اني ما استخدمتو غير للانترنت … شو هي ؟؟؟ قال هي تراكمية مدري شو اخترعولي حجة مدري من وين … وطلعت بالمنية لأنو هني دافعينلي ياها … ما عدا السرعة والانقطاع الدائم ….
    بالفعل اذا عمتحمل صفحة … مستحيل تقدر تفتح صفحة تانية لحتى تتحمل الأولى حتى ولو كانت صفحة غووغل

    يا جماااااااعة بنصحكم ماحدا يعلق مع مزود آية … أسوأ مزود وأكتر شركة فيها نصب … نصابين نصابين نصابين”

    بس بس أبوس إيدك شو إنك فهيم يعني هو صح إنو ال ADSL بآية بحططوك الفوقك و التحتك ليصلك الخط (أنا كلفني النت فوق ال15000 ألف بس أنا كمان تابع لمقسم الجميلية المعروف بإنو مافيو خطوط) بس لما الخط بصير عندك مابتندم السرعة ثابتة دوماً على 28 و مافي أي إنقطاع مو مل غير شركات(في شركات بشتغل النت 6 أيام و السابع بوقف) .

    أنا المشكلة الوحيدة يلي عم تدايقني هو ال delay و هاد شي ما بأثر غير على يلي بلعبو ألعاب عالنت(و هنن أقلية) أنا عندي الديلاي ms220-270ms

    على فكرة حتى الديلاي أول ما إشتريت الخط كان كويس (187ms) بس شو بدو الواحد يحكي نسيت أدفع فاتورة التلفون قام قطعولي النت ولما وصلتو صار الديلاي أقل الشي 220

  11. Naruto قال:

    شو هالحكي يا أخي كل مزودات خدمة الإنترنت في سوريا هيك يعني أقصى سرعة للبطاقة هي 7 كيلو بايت بالثانية من وين بجيبولك سرعة زيادة إتقي الله يا رجل

  12. ameen قال:

    يا أخ ابراهيم معك حق آية أسوأ مزود خدمة على الرغم من قدمها بالنسبة للمزودات التانية , أنا جنيت عالخالص بأخر مرة اشتريتها فيا (وكنت مجبر )لأنو ما كانت راضية تدخل و على طول تعطيني مشغول .

    سيدي مالك غير ADSL إشترك إنت و كم واحد من الجوار أريحلك بكتير , بس بدك تطلب الدعم من السنترال تبع خط التلفون .

    شكرا على المواضيع التي تتعرض لها كلها فائدة.

  13. samer قال:

    مزود خدمة الإنترنت آية اسوأ مزود و اسوأ انترنت على الاطلاق
    مزرد اية مجموعة من النصابين و من الاولاد يعبثون بأموال الناس
    جمعوا الملايين من الكذب و النصب و النفاق
    الاداريين مجموعة من الاطفال و يللي مو مصدق يروح و يشوف
    التقنيين على ازفت
    نفسيات مريضة و الخدمة ماساة حقيقية و لا يوجد محترفين في الشركة
    ابتعدوا عن مزود اية نصيحة …….. كانت النصيحة بجمل

  14. مزود خدمة الإنترنت آية قال:

    مزود آية
    حاولت التكلم مع مسؤول ADSL في مزود الانترنت اية و كان خطاب الحمقى , لو اني تكلمت مع مسؤول كبير كان احترمني اكثر
    نفسية تعبانة و مريضة بكل ما تعنيه الكلمة
    ناهيك عن عمليات النصب في بطاقات الانترنت اية و الخدمة السيئة او حقيقة عدم الخدمة
    حاولت شراء موقع و استضافة من مزود اية بتاريخ 5-2010 حين اكتشفت ان مسؤول الاستضافة لا يفقه شي بالاستضافة و المصمم في الشركة من اغبى ما رأيت و هو ابعد ما يكون عن التصميم , المهم تورطت و اشتريت و طبعا لا استخدم الموقع و ذهبت لشركة مختلفة بتفهم , الكارثة أن المصمم هو نفسه مدير الاستضافة و هو نفسه المبيعات و هو نفسه الدعم الفني هههههه

    ابتعدوا عن مزود الانترنت اية نصيحة فهم كارثة على الانترنت و بس همهم جمع الملايين

  15. أيهم عقاد قال:

    أضم صوتي لكل من يقول بأن أية هو من أفشل واتسع واغبى مزودي خدمة الانترنت في سوريا

    لا بل واغبى موظفين واتعس معاملة
    والمشكلة انو كلمة بتتصل بتسمع كلمة …حرصا على جودة الخدمة سنسجل المكلمة…المهم بس تقول للموظف ما عندي نت او بطيئ …الجواب الناري المعتاد دائما بيكون ….من عندك نحنا ما عنا مشكلة …..جد والله سخافة

    مرة اتصلت وقلت للموظف عندي dsl وموقع yahoo ما عم يفتح وما عندي بروكسي وجربت على كمبيوتر تاني المهم الموقع ياهو ما عم يفتح …اقسم بالله جاوبني جواب بدو شي 5555 الف كف على خلقتو شو قال لي قال: الياهو عندي (عندو يعني) شغال واذا ما فتح عندي المشكلة من الراوتر او الخط على كل حال افتح شي موقع تاني….هاد اغبى جواب بالعالم حصلت عليه من الدعم الفني وعلى هل المقياس قيس يامعلم..

    نصيحة مجرب

    لا حدا يشترك بأية …أتعس خدمة وابطء نت ولئامة وغباء

  16. أحمد قال:

    يمكن سيء بس دائمن إذا كان ديل أب بكون النت بأسي و بموت مشان هيك أنا جبت adsl

  17. مزود خدمة الانترنت اية نصب و كذب و احتكار قال:

    انا صاحب موقع سوري.. كانت استضافتي السنة الأولى من عمر الموقع بكندا .. بالسنة التانية قلت لحالي بنقل موقعي عمزود خدمة سوري ..بفيد بلدي وبقوي الاستضافة فيها أحسن .. وهون كانت النكبة ..
    مزود خدمة الانترنت في سوريا كان اختياري .. وكان الاختيار الاسوء..
    موقعي صار عليه ملاحظات من محركات البحث العالمية .. وصار عليه شكاوي واعادة نظر من منكمة الاليكسا بسبب سوء السيرفرات و المخدمات التعبانة .. وكل ما حاول احكي معهم.. نفوس مريضة و حامضة و شي بقرف وبيكره الواحد الانترنت ..
    رجعت شكيت أمري لله وجاري نقل موقعي على سيرفرات بكندا..
    و الله يورجيني يوم أسود بمزود خدمة الانترنت الفاشل اية و بشركة سيريتل و شركة ام تي ان .

  18. أبو الجوج قال:

    كلون اخرا من بعضون من اية ألى الراس الكبير فيون الجمعية السورية للمعلوماتية
    من كتر ما عم براقبوا وببحبشوا بالصادر والوارد الأتصال بالنت بيكون خرى مكرر
    متل الزيت النباتي مكرر مرة او مرتين
    مع احترامي للزيت
    لأنوا من دون مراقبة خرى

  19. yoseef قال:

    بس أنا ما حسيت بهذا الشيء

  20. عبود قال:

    مزود انترنت آية
    موظفين مزود انترنت آية يمكن كانوا وزراء قبل ما تفتح آية … نفسيات مريضة و معقدة و كل واحد منهم مفكر حاله شغلة و هو طنبر.
    سنة 2010 نقلت استضافتي الى آية …. غلطة عمري …. الموظف يللي مستلم الاستضافة مو بس مريض نفسيا و غشيم و ماله فهمان شي بالموضوع و تقنيا 000 يعني صفر مكعب .
    اخدت خط adsl منهم …. على امر و العن مسؤول adsl يمكن مديره لتبع الاستضافة لانه نفسيته احمض طبعا هاد اذا قبل يحكي معك اساساً.
    المهم نزلت اشتكي وصلوني لشب قال هاد الكل بالكل و خود على حكي مجانين طلع الشب مو فهمان شي من شي و غشيم بكل شي و قالولي هاد المدير الاداري بالشركة تعبت نفسيتي عنده بالمكتب و لما طلعت سألت الموظف يللي برا كان هاد الشب شو معه شهادات قال ” ما معه شهادات ” طيب شو خبرته اجاب ” ماله خبره بشي ” طيب كيف لكن مدير اجابني ” ما بعرف والله بس هو المدير الاداري و مدير العلاقات العامة ” .
    المهم يا جماعة الخير ……. لغيت البوابة و نقلت موقعي و خلصت من هالاغبياء

    هي تجربة شخصية و نصيحة نصيحة
    لا حدا يتعامل مع ” مزود انترنت آية “

  21. الطير@الجارح قال:

    هادا الحكي مو صحيح كل بطاقات الانترنت بطيئة عنا بسورية ليش عم بتركزوا عآية مثلا
    كلن ما بيسوو انا جربت الكل
    بعدين ما بيصير تنتفو بالمزود هون اللي بدو مصلحة آية بروح عموقعها ويكتب هالحكي
    موهيك معك معك عليك عليك
    انا بالنسبة لالي جربت الكل كلن ماعجبوني
    ما بيصير تضربو شهرة مزود عحساب أسوأ
    الطير@الجارح

  22. samer قال:

    مزود انترنت اية
    الحقيقة اضحكني تعليق الاخ عبود لاني عانيت نفس الموضوع تقريبا من سنة اشتريت موقع من اية و الحقيقة ندمت كثيرا بسبب جهل الموظفين يعني شو ما سالته ما بيعرف يجاوبك و موقعي تراجع في محركات البحث بشكل غريب كذلك اخدت بوابة من عندهم بس ما كنت عرفان انه المسؤول عن البوابات بهي النفسية المريضة انت شوف كيف بحاكيك على التلفون و مرة كان عندي مشروع صغير قلت بعرضه عليهم وصلوني لواحد اسمه باسم صواف قال هاد افهم واحد هنيك و هو المعلم طبعا لغيت المشروع بعد ما قابلته طلع فعلا كما قال الاخ عبود لا يحمل شهادات ابدا و تقنيا لا يفقه شئ و بيحكي معك كأنك موظف عند ابوه و طبعا هو موظف بالشركة بس حالته تعبانة , حاليا سوف انقل موقعي و البوابة من عندهم اكيد مو ناقصني ولاد و مجانين لانه .

  23. موظف من شركة آية قال:

    يا جماعة كل الشركات متل بعض صح في آية صار حركات نصب و كذب كتير بس الخدمة تقريبا متل بقية الشركات أما بخصوص ادارة الشركة فحالتهم تعبانة و هن ناس فاشلين اداريا و هاد سبب تراجع شركة آية أنه اصحاب الشركة مسلمين الشركة لأجحش ناس بدون شهادات ولا خبرة و كم طنبر واحد منهم باسم الصواف و لا تصدقوا هاد مو مدير حتى على قسمنا خدمة الزبائن ما بمون هو مجرد حاجب عند اصحاب الشركة و طرطور و بس ولا معه شهادات و بيفهم الخمسة من الطمسة يمكن ابتدائي ما معه .

  24. شخص مأكول حقه قال:

    مزود آية من أسوأ مزودات خدمات الانترنت يا حيف بس كان المفروض يحترموا نفسهم كمزود قديم واول لكن للأسف اصبح تجاري ومركز للنصب والأحتيال واسأل اي شخص عن المزود مشان تتأكد والموظفين ههههههه حطوهم مركز دفاع كل ما بيتصل شخص بيقلك المشكلة من عندك استاذ هههههه والله يا شباب عانيت من الشركة 4 اشهر الآن وان شالله رح اطلع من عندهم وعندي صديق رح يعمل اعلان ضدهم لحتى يعرفوا يسرقوا وينصبوا على الناس مقابل هيك خدمة نصب واحتيال

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s