رح اذكر بعض النقاط الهامة و البسيطة و يلي لازم كل طالب يكون بيعرفها فبل القيام بعملية المفاضلة
بعد مشاركتي في السنوات الاربع الماضية في عملية المفاضلة صرت اعرف اغلب الاسئلة الشائعة للطلاب و يلي رح حاول جاوب عنها ..
1- هالسنة المفاضلة العامة و المفاضلة الموزاي بنفس الورقة و المفاضلة من 22 – آب الى 12 ايلول و الدوام بشهر رمضان من 9 لـ 2 و بعدوا من 8 لـ 3
2- الأوراق المطلوبة هالسنة هني صورة عن الهوية و طوابع فقط حتى الوثيقة غير مطلوبة بيكفي انوا الواحد يكون حافظ رقم اكتتابوا لهك ما في داعي تشتروا اي شي و خصوصا من العالم يلي بتكون واقفة برا الجامعة و عم تبيع مصنفات هالمصنفات مو للتسجيل بالمفاضلة , أما الطوابع فبيكون في عالم جنب المركز عم يبيعوها و هية عبارة عن اربع طوابع فقط.
3- اذا عندك أي سؤال فينك تروح ع مركز المفاضلة و تستفسر هونيك رح يكون في شباب و صبايا من الاتحاد الوطني لطلبة سورية عم ينظموا الدور و رح يجابوك ع اسئلتك و الافضل انك تاخد من عندون دليل الطالب يلي هوي مجاني او فيك تشوفا ع الانترنت ( الرابط ) و لازم تقرا التعليمات يلي فيه لانوا بيحتوي على كل معلومة ضرورية و بتخص المفاضلة .
4- متل ما قلت ع باب اي مركز مفاضلة رح تشوفوا شباب بينظموا الدور هني طلاب من اتحاد الطلبة و هني عم يقوموا بهل شغلة تطوعا و بيكون صرلون قاعدين من الصبح بالمركز و بهالشوب لذلك حاولوا لا تعصبون لانوا هني طلاب متلكون متلون و التزموا بتعليماتون و بالدور .